البيانات اللي نجمعها
- عند الشراء: الدفع يصير عبر بوابة Wayl، وإحنا ما نشوف بيانات بطاقتك. نستلم من Wayl حالة الدفع والمبلغ، وأحياناً اسم أو رقم الزبون اللي تعطيه بصفحة الدفع، حتى نسلّمك الكود ونساعدك إذا صارت مشكلة.
- تقدمك بالكورس: الأيام اللي كملتها، والماي والخطوات والوزن والعادات والملاحظات اللي تسجلها، تنحفظ على موبايلك. وإذا دخلت بكود، تنحفظ نسخة مرتبطة بالكود حتى ترجعلك من أي جهاز.
- الحالة الصحية: إذا اخترت مشاكل صحية حتى نخصص التمارين، هالاختيار ينحفظ ويه تقدمك بنفس الطريقة، ونستعمله بس لتخصيص التمارين.
- الإحصائيات: نسجل الزيارات بشكل مجهول: الدولة والمدينة التقريبية، نوع الجهاز والمتصفح، الصفحة، والموقع اللي جيت منه. ما نخزن عنوان IP، والزائر ينحسب برمز مؤقت يتغير كل يوم. ونستعمل كذلك Cloudflare Web Analytics. ما نستعمل كوكيز تتبع إعلاني.
- بيانات المشتركين المجمّعة: نشوف أرقام عامة عن المشتركين (مثل توزيع الأعمار والمستويات) حتى نحسّن الكورس، بدون نشر بيانات أي شخص.
- الكود: نسجل أول وآخر دخول بكل كود حتى نحمي الأكواد من المشاركة.
شنو ما نسويه
- ما نبيع بياناتك ولا نشاركها ويه معلنين.
- ما نرسل رسائل دعائية بدون طلبك.
الاستضافة
الموقع مستضاف على Cloudflare، والدفع عبر Wayl، وكل جهة إلها سياسة خصوصيتها.
حقوقك
تگدر تطلب حذف بيانات تقدمك المرتبطة بكودك. راسلنا من صفحة التواصل.